防曬小貼士

Fun facts 1

每日搽一次防曬就搞掂？

因為游泳或流汗會影響防曬成份，削弱防曬效能，所以建議大家至少2個鐘就要補搽一次。記得定時補搽，免受UVA和UVB傷害¹ 。

Fun Facts 2

陰天唔使搽防曬？

多雲嘅時候雖然睇唔到太陽，但其實好多時紫外線能夠穿透稀薄嘅雲層！加上雲層嘅邊沿有機會反射紫外線，令紫外線更強，所以記得陰天雨天都要防曬啦²！

Fun Facts 3

小朋友唔使搽防曬？

根據估計，一生人接受紫外線照射嘅時間，大部分喺18歲前，而且紫外線對我哋嘅健康影響係累積計算嘅！所以由細減少曬傷，都可以幫助減少之後患上皮膚癌嘅機會！記得要幫我哋嘅小朋友選擇適合嘅防曬措施喇³！